Hætti við að vera gunga og hélt til Þingvalla

Ég skipti snarlega um skoðun eftir hádegi þegar ég frétti að tengdasoninn langaði til Þingvalla. Fórum fjölskyldan nema Ingimar og áttum dásamlegan dag á Þingvöllum í steikjandi hita og sól.

 

Tókum fullt af myndum, Sigrún var að prufa nýju myndavélina, Bjarni var með eldri vélina og ég með mína gömlu góðu. Við gengum upp Almannagjá og niður aftur með mörgum stoppum.  Bjarni og Sigrún keyrðu minn heittelskaða í hjólastólnum alla leið og sá var sæll enda ekki komist þetta í 40 ár.

Á miðri leið heyrðum við lúðrahljóma koma út úr berginu. Í bljúgri bæn var lagið ekki vitum við hvaðan tónarnir bárust en höllumst á að þeir hafi komið úr álfabyggð.

Fórum svo Nesjavallaleiðin heim og áðum í Botnsdal og spáðum í Álfakirkjuna. Hekla er ekki frá því að hún hafi orðið vör við álfa á sveimi.

Dásamlegur dagur í faðmi fjölskyldunnar. Fleiri myndir hér og Sigrúnar myndir hér

Athugasemdir

[Sigrún Ósk Arnardóttir, 16.7.2007 kl. 01:54]

Takk fyrir góðan dag.

[Sigrún Ósk Arnardóttir, 16.7.2007 kl. 02:28]

Mínar myndir eru hér: http://www.picasaweb.google.com/kjaftaskur

[Svava frá Strandbergi , 17.7.2007 kl. 00:34]

Skemmtilegar myndir. Ég var einmitt að pæla í að fara til Þingvalla í dag með vini mínum en við fórum austur fyrir fjall í staðinn.

[Jóna Á. Gísladóttir, 18.7.2007 kl. 22:10]

Yndislegar myndir í yndislegu veðri.