4......3.......

2 og hálfur sólahringur uns stóra stökkið út í alheiminn verður tekið. Spennan aðeins að magnast aftur. Er að týna saman alla litlu hlutina. Fékk kast áðan gat alls ekki ákveðið hvort ég ætti að taka skærgræna, græna eða grængyllta augnblýantinn eða þann blá og jafnvel fjólubláa. Og hvaða augnskugga brúna boxið eða græna boxið. Erfitt að vera svona megaskvísa ég ákvað bara að taka þá alla  

Verð upptekin allan daginn á morgun á aðalfundi ÖBÍ og svo Margt smátt í Borgaleikhúsinu og svo Bandalagspartý um kvöldið......... Já minn heittelskaði er að fara að troða upp í Borgaleikhúsinu með Hjólastólasveitinni. Allir að mæta kl. 14 - 18 í borgó.

Sunnudagurinn er svo frátekinn fyrir fjölskylduna

Mágkonur mínar komu færandi hendi í gær með rausnarlega gjöf frá tengdafjölskyldunni sem á eftir að nýtast mér mjög vel í ferðinni. Takk fyrir mig.

Keypti mér voða fína leðursandala af betri gerðinni til að skvísast á og auðvita Höfund Íslands (leshringurinn) til að hafa með í handtöskunni. Og helling af harðfisk ætli fötin mín angi ekki af fiskilykt þegar út kemur. Fór og fékk ráðleggingar um símanotkun og gjaldskrá. Bara að láta ykkur vita það að ef þið hringið í mig þá kostar það mig 80 kr. á mínútuna fyrir utan það sem þið greiðið. Svo kæru vinir þó ég sé voða skemmtileg og ómissandi þá vil ég engin símtöl nema það sé akút á meðan ég er í afríkunni.

Kíki kannski stundum á msnið sem er [e-mail] ef þið skilduð ekki hafa það.

Athugasemdir

[Ásdís Sigurðardóttir, 5.10.2007 kl. 22:37]

Váá þetta er aldeilis að verða spennandi en þarf maður svona mikið af málningargræjum er maður ekki alltaf sveittur? Góða helgi.

[Svava frá Strandbergi , 6.10.2007 kl. 02:54]

Grænt fer þér vel Ása Hildur og svo knallrauðan varalit. Góða ferð ef ég sé þig ekki áður en þú ferð.

[Guðbjörg Pálsdóttir (IP-tala skráð) 8.10.2007 kl. 14:36]

Rosalega er þetta spennandi hjá þér Ása ferðafrænka, datt óvart inn á bloggið þitt og fylgist spennt með. Geggjað hjá þér að stinga af til Afríku af öllum stöðum til að fagna fimmta tugnum. Góða ferð og kossar og knús til þín og auðvitað til Villa frá mér og mínum. Kv.Guðbjörg Páls (frænka manstu!)

[Sigrún Ósk Arnardóttir, 8.10.2007 kl. 15:49]

Mundu að blogga frá Afríku, vonandi gengur ferðalagið vel fyrir sig.

[arnar valgeirsson, 9.10.2007 kl. 00:25]

hringi annað slagið og tékka á þér.....

[Laufey Ólafsdóttir, 11.10.2007 kl. 23:56]

Almáttugur Ása! Ertu farin? Ég er búin að vera svo bissí að ég hef ekki kíkt á þig lengi. Vona að þú hafir átt góða ferð út og allt hafi gengið vel! Hlakka til að fá ferðasögu!

Góða skemmtun kona góð!