Skrifkrampi

Ég er búin að vera dugleg í dag og sinna útréttingum af ýmsu tagi. Ekki tókst mér að draga fjölskylduna með svo maður er meira og minna einn í þessu. En aðalafrek dagsins var að klára að skrifa rúmlega 60 jólakort og koma frímerkjum á. Sökum verkjastatus voru engin handgerð kort þetta árið en yfirleitt hef ég föndrað meginþorra kortanna og haft gaman af.

Meðan ég var í burtu kom víst slökkviliðið í heimsókn !!!    Nei nei það var ekki að brenna þeir voru bara að taka út gallaða brunakerfið sem er víst alveg að verða fullkomið og að kynna útgönguleiðir í neyðarástandi. Skildu eftir heilmikla teikningu af flóttaleiðum. Með þeim tilmælum að hún sé hengd upp á góðan stað þar sem allir sjá hana. Gott mál en mér finnst það nú ekki passa á heimili, hélt ég byggi ekki á stofnun þó ég leigði hjá ÖBÍ. Held ég hengi hana bara innan á fataskápshurðina eftir að ég tryggi að allir fjölskyldumeðlimir skoði hana.

Afmæli hjá Palla klikkaði ekki fullt af góðum kökum, fullt af brauðréttum nammi namm jú og fullt af skemmtilegu fólki og jólaskrauti. Palli var að fá snjóvélina sína af e-bay og var víst að prufa hana í gærkvöldi með undarlegum árangri. Það verður gaman að fylgjast með þessu ævintýri. Veit einhver um annan jólastrák sem er með snjóvél inní stofu til að fá snjóvél á jólatréð sitt ?

Er enn að velkjast í vafa um hvað ég hef í matinn á aðfangadag. Bara veit að það verður að vera auðvelt í matreiðslu ef ske kynni að verkirnir vildu taka þátt.

Athugasemdir

[Ósk (IP-tala skráð) 17.12.2007 kl. 15:02]

Sæl Ása mín, alltaf gaman að lesa bloggið hjá þér.  Leiðinlegt að þú skulir vera með svona mikla verki, vonanadi lagast það.  Ef þig vantar aðstoð þá veistu símann hjá mér.  Smá uppástunga með mat, lambalærið klikkar aldrei, bara stinga i ofninn og það kemur "sjálft" á borðið eftir ákveðinn tíma.  Kær kveðja, Olla

[Ásdís Sigurðardóttir, 17.12.2007 kl. 19:11]

Það þarf lítið að hafa fyrir svínahamborgara.  Mæi með honum.