Er helgin vandamál ?

Ef svo er er þá ekki málið að skella sér í leikhús hjá Halaleikhópnum og sjá Gaukshreiðrið í Hátúni 12. Tvær sýningar um helgina: laugardag kl. 20.00 og sunnudag kl. 17.00. Miðaverð 1500 kr. og afslættir fyrir börn og hópa. Nánari upplýsingar á www.halaleikhopurinn.is

Já já bara fullt af plöggi, en svona er lífið þessa dagana.

Í dag átti að vera fyrsti frídagurinn minn á árinu. Ekki gekk það alveg upp. Fór í útréttingar með mínum heittelskaða. Fylltum á ísskápinn ofl., fórum í bankann og sitt lítið af hverju, þvoði þvott og annað húsmóðurstöff. En fríið kláraðist uppúr 4 var kölluð út í vinnu í leikhúsinu vegna óvæntra atburða sem gengið var í að leysa. Kom heim að verða 9, þreytt og svöng. Þá hafði minn elskulegi eiginmaður eldað handa mér dýrindis steik og vinur okkar sat í kaffispjalli svo úr þessu öllu rættist.

Annars var það stór Halafélagi sem bjargaði deginum fyrir okkur og á mikinn heiður skilinn fyrir fórnfúst starf, veit að hann vill ekki að ég skrifi um það hér svo ég segi bara takk frændi.

Á frí fram undir 16.30 á morgun, dóttirin ætlar að mæta á svæðið með prinsessuna sem var að brillera enn einu sinni í skólanum. Hlakka mikið til. Nú og svo tvær sýningar með þessum frábæra hóp sem ég þreytist seint á að hæla. Gefandi og skemmtilegt starf með fullt að eðalkarakterum og gæðablóðum.

 

 

Athugasemdir

[Ásdís Sigurðardóttir, 15.2.2008 kl. 23:58]

Gaman að heyra fréttir af ykkur. Þið eruð greinilega að gera rosa góða hluti.  Vona að það verði húsfyllir um helgina, ég get ekki setið lengi í einu svo ég fer aldrei orðið á sýningar eða í bíó.  Kær kveðja.

[Svava frá Strandbergi , 16.2.2008 kl. 00:21]

Takk fyrir síðast Ása Hildur. Til lukku með leikritið.

[Kolbrún Stefánsdóttir, 16.2.2008 kl. 22:28]

Sál Ása Hildur. Ég er búin að sjá leikritið og mæli hiklaust með því. Stórskemmtilegt en hrærir vissulega við manni líka. Þið eruð að gera góða hluti. Gangi ykkur sem allra best Halakveðja Kolla.