Handverk klárað og myndað

 

Kláraði í gær að ganga frá þessari lopapeysu sem ég var að prjóna á hann Óskar Inga. Var meira og minna allan gærdaginn að basla við að setja rennilásinn í. Hef aldrei gert það áður, alltaf fengið hana Báru mína til þess. En ákvað að reyna ég hlyti að geta það eins og aðrir. Er mjög stolt af henni og hlakka til að sjá hvort hún passar á guttann. Mynstrið er úr blaði sem ég átti en húfuna skáldaði ég upp í stíl við peysuna. Mér finnst nauðsynlegt að krakkar á þessum aldri eigi húfu í stíl við peysuna.

Fór svo í dag og tók myndir af nokkrum skartgripum í viðbót til að setja í albúmið hér við hliðina sem hefur verið vanrækt lengi. Og búin að selja helling sem gleymdist að taka myndir af. Hér er ég mest að leika mér með slípað hraun sem mér finnst ofsa fallegt.

Hraun og glerrör

Hraunmolar sem ekki vildu tolla í fókus

Stál, blátt gler og blóðsteinn áhrif frá afríku þetta var svaka vinsælt þar.

Ein rómó

 

Athugasemdir

[Vilborg Valgarðsdóttir, 21.3.2008 kl. 17:32]

Mikið er handavinnan þín falleg!

Gleðilega páska

[arnar valgeirsson, 24.3.2008 kl. 13:28]

dugleg stelpa. ægir ætti nú bara að panta sér peysu og húfu. nauðsynlegt að hann hafi það í stíl. þú veist, krakkar á þessum aldri....

[Bjarni Magnússon, 26.3.2008 kl. 00:07]

 Þú ert auðvitað snillingur Ása

[Sigrún Friðriksdóttir, 26.3.2008 kl. 00:48]

Rosalega falleg lopapeysa Vissi ekki að það væri hægt að slípa hraun, gerirðu það í höndunum þá ?? Er með svona steinagalna ættingja þar sem ýmislegt hefur verið slípað og skorið EN flott útkoma hjá þér !!!

Kveðja, Sigrún. 

[Þráinn Sigvaldason, 26.3.2008 kl. 10:01]

Þetta er svakalega flott. Ég vissi ekki að þú ættir þetta til en ég er þó ekki hissa

[Helga Auðunsdóttir, 26.3.2008 kl. 23:09]

Bara töff.. lopapeysan er meiriháttar og flott munstur og góð húfa, alveg samála með að þessi krakkar þurfa húfurnar. Svo er bara bannað að setja svona flotta skartgripi fyrir augun á mér  ég verð alltaf jafn sjúk, verð að fara komast í gullin þín til að skoða þau betur.

[Svava frá Strandbergi , 28.3.2008 kl. 06:44]

Rosalega eru þetta fallegir skartgripir hjá þér Ása Hildur. Hefurðu íhugað að ganga í félagið Handverk og hönnun, ég er einn af stofnfélögunum í því, þó ég sé aldrei með neitt á handverkssýningunum. Er öll í myndunum, en hún Katrín Karlsdóttir vinkona mín, sem kenndi í Fjölmennt þegar ég var þar, er stofnfélagi líka og hún hannar fallega skartgripi. Handverk og hönnun heldur reglulega sýningar.