Bússa var það heillin

Alltaf lærir maður ný orð. Bólgin Bússa er sem sagt nýjasta greiningin á hælmeininu mínu þráláta. Bússa er vökvabelgur sem er milli hælbeins og hásinar. Hann er víst bólginn og með auknum vökva í hægra megin. Mér var skellt í laser og lagðar lífsreglurnar sem vekja aftur upp stóra skóvandamálið.

 

Athugasemdir

[Þráinn Sigvaldason, 8.5.2008 kl. 18:03]

Tja miðað við neðangreinda þá er þetta talsvert alvarlegt!!! 

Tekið af Wilkipedia:

Bússa eða síldarbússa var breitt og kubbslegt seglskip sem var notað til netaveiða. Skipið var fjölmastra en með lágum möstrum og aðeins eitt rásegl á hverju til að einfalda seglbúnað. Þannig var hægt að eiga við netin nánast alls staðar við borðstokkinn. Bússur voru venjulega með einu samfelldu þilfari og vistarverur áhafnarinnar neðan þilja. Slík skip voru einkum notuð til síldveiða í Norðursjó á 16. og 17. öld en nafnið er líka stundum notað almennt um breið og stór skip.

[Ása Hildur Guðjónsdóttir, 8.5.2008 kl. 19:29]

je dúdda mía Þráinn hvað er eiginlega komið fyrir hælinn á mér?

En kannski veitir ekkert af þessum búnaði öllum á hælinn á mér, þegar ég fer fyrir fullum seglum í Þjóðleikhúsið !!!